|
Æskubyggðin
Akureyri æskubyggð mín kær úr fjarlægð þér ég kveðju mína sendi. Þó aðskilji okkur bæði fjöll og sær ég einhvern tímann aftur til þín lendi.
Þú fögur stendur Eyjafjörðinn við úr huga mínum aldrei mynd þín dofnar. Vita máttu að ég vaki og bið að hjá þér dafni líf sem aldrei sofnar.
Um mig leikur þýður bernsku blær mér berast raddir góðra æskuvina. Hver endurminning er svo undur nær er æskuglöð við áttum veröldina.
Og hjarta mínu yljar enn í dag er unaðstóna úr átthögum ég heyri. Ég helga þér minn bær mitt ljóð og lag með ljúfri kveðju heim á Akureyri.
Lag: Óli Fossberg Texti: Óli Fossberg (erindi 1 og 2) og Ellert Borgar (erindi 3 og 4)
|